CURRÍCULO

Licenciado en Ciencias da Actividade Física  e do deporte polo INEF de Galicia anos 1994-98.

Curso postgrado “Xestión Deportiva Municipal” de 170 horas de duración, realizado na Universitat de Barcelona no ano académico 2010-2011.

Curso de especialización en “Dirección de Centros Deportivos” de 250 horas de duración, realizado na Universidade da Coruña no ano académico 2010-2011.

Máster en Recursos Humanos de 600 horas de duración realizado pola empresa  SN Servicios Normativos no ano 2011.

1. Coñecías AGAXEDE antes de ser socio/a?
Tan pronto a coñecín fíxenme socio alá polo 2009.

2. Cómo decides facerte socio/a de AGAXEDE?
Tíveno moi claro desde un principio, dedicándome a xestión deportiva era primordial ser socio dunha entidade coma AGAXEDE, pois estaría en contacto con outros xestores e podería aprender máis…

3. A qué te adicas, profesionalmente falando, na actualidade?
Son o xerente dunha empresa chamada Viraxes sl, que se adica a servizos deportivos, e entre outras cousas en réxime administrativo son o técnico deportivo do concello de Sada. Acabo de cumprir 4 anos no concello, nunca estiven tanto tempo nun sitio.

4. No teu desempeño profesional, no ámbito da xestión deportiva, qué tarefas consideras primordiais?
Todas, a finalidade e dar un bo servizo, e iso empeza por tratar ben o terceiro cliente que é o/a traballador/a, que para min é a figura clave na xestión deportiva.

5. Consideras necesario que exista unha institución como AGAXEDE? Por qué?
Claro que sí, pois é un nicho de ideas, de propostas, sirve para ter unha formación contínua, de relación con persoas cos mesmos intereses.

6. Qué che aportou a Asociación Galega de Xestores Deportivos ata este momento?
Principalmente información, formación e un punto de encontro con persoas do mesmo sector ou afíns.

7. Que lle pedirías nun futuro a Asociación?
Máis visibilidade e que consiga ser un órgano de asesoramento dos concellos, principalmente os máis pequenos.

8. Mantés contacto co resto de xestores deportivos da Comunidade Galega?
Si, teño contacto polo traballo con bastantes xestores deportivos e moitos deles socios de Agaxede.

9. Recomendarías aos teus colegas de profesión a pertencia a AGAXEDE?
Por suposto, a AGAXEDE, o COLEF, e outras entidades relacionadas coa nosa profesión.