A primeira edición do libro "LAS DIEZ MIL HIJAS DE IRENE" escrito polo xornalista coruñés Alexandre Centeo e que viu a luz o pasado 8 de marzo con motivo do Día Internacional da Muller, aborda a historia do fútbol feminino en Galicia. A súa posta de longo celebrouse o día 13 de leste mesmo mes na área 1906 do Estadio de Riazor, por parte da alcaldesa Inés Rey e Gonzalo Trenor, delegado da Xunta na Coruña que interviñeron xunto ao autor do libro durante a súa presentación. Ademais, asistiron outros políticos como Ana Pontón, portavoz do grupo parlamentario do BNG, Francisco Jorquera e Miguel Lorenzo, candidato do BNG e do PP respectivamente á alcaldía coruñesa.

Déronse cita tamén nesta presentación do libro, entre outras persoas, Irene Ferreras (adestradora do Deportivo Abanca), Cristóbal Parralo (adestrador do Racing de Ferrol), *Álex Bergantiños (capitán do Depor), o técnico Rubén da Barreira, Fran, David Villasuso (director xeral e conselleiro do Depor, Fernando Vidal e Paco Zas (expresidentes).

A Asociación Galega de Xestión Deportiva (AGAXEDE) estivo representada polo seu coordinador Cristian Florín e polo presidente Eduardo Blanco que escribiu o epílogo do libro por invitación de Alexandre Centeo. A edición do libro As dez mil fillas de Irene recibiu o apoio económico de diferentes entidades e empresas, entre elas de AGAXEDE e o seu patrocinador BEONE, que apostan de maneira decidida pola igualdade de xénero na vida e no deporte.