O venres, día 14 de xullo, ás 14 horas, organizado polo Club Financeiro Atlántico e a Federación de Asociaciones de Gestores Deportivos de España (FAGDE), celebrouse nas instalacións do Club, un XANTAR-CONFERENCIA a cargo do Excmo. Sr. D. José Ramón Lete Lasa, Presidente do Consello Superior de Deportes. A este formato de conferencia de prazas limitadas (35 asistentes), asistiron empresarios socios do club, empresas de servizos deportivos, federacións deportivas galegas, ademais doutras entidades e personalidades como Marta Míguez, Secretaria Xeral para o Deporte da Xunta de Galicia.

A intervención de José Ramón Lete centrouse nos RETOS E DESAFIOS DO DEPORTE ESPAÑOL e deixou clara a súa vontade de asinar un acordo con FAGDE para o desenvolvemento de actividades que se trataron nunha reunión mantida a posteriori entre Eduardo Blanco (Presidente de FAGDE) e Javier Rico (Asesor do Presidente do CSD).